GODOT Detail View

https://godot.date/id/MavimxMsD4Xqb8KTbfjbcV

Calendar Date Information

Eponymous officials
Roman Consulships

Not After: 144 AD
GODOT URI: https://godot.date/id/MavimxMsD4Xqb8KTbfjbcV
Not Before: 144 AD

Attestations

HD052167:
Iovi Optimo Maximo Lucius Vibunnius Vindex beneficiarius consularis votum solvit laetus libens merito Avito et Maximo consulibus
Contributor: grieshaber (last update: 2018-12-28)

HD030015:
Clodiae Luci filiae Anthianillae Marci Coccei Gemini praefecti alae Lucio Lolliano Avito Tito Statilio Maximo consulibus X Kalendas Apriles in schola Pollia quod verba facta sunt de honoranda morte Clodiae Anthianillae quid de ea re fieri placeret de ea re ita censuerunt cum Clodia Anthianilla splendidissima puella et cuius incrementa etiam supra aetatem florentia inter ornamenta municipi nostri sperabantur acervissima morte rapta sit parentibus suis Clodio Pollioni patrono municipi nostri splendidissimo equiti Romano et bene de re publica nostra merito et Seiae Quintilliae matri ornatae feminae quorum dolori publica municipi nostri tristitia consentit placere decuriones et in illorum solacium et in memoriam honestissimae puellae locum posteritatis dari item statuam quam frequentissimo loco publice poni censuit Lucius Clodius Luci filius Pollio pater piissimae filiae honore accepto impensam remisit
Contributor: grieshaber (last update: 2018-12-28)

HD024919:
Nymphis et Silvano sacrum pro salutem Imperatoris Titi Aeli Antonini Hadr<i=E>ani#Hadr<i>ani#HADREA Augusti et Aureli Veri Caesaris cura agentibus -- Saturnino et Bizienem magistris et Terentio Materno quaestorem Idibus Iuniis Quinto Statio Maximo et Avito consulibus
Contributor: grieshaber (last update: 2018-12-28)

HD001007:
Marco Sulpicio Marci filio Felici domo Roma tribu Quirina liberatori et patrono praefecto cohortis I Germanorum tribuno militum legionis XVI Flaviae firmae fidelis tribuno militum cohortis III Ulpiae Mmiliariae Petraeorum electo et retento ad census excipiendos in partem provinciae Armeniae item Cappadociae praefecto equitum alae II Syrorum civium Romanorum amici ob adfectionem municipii Salensis et innocentiam dono dederunt decretumque ordinis subiecerunt Marcus Valerius Fabullus Lucius Fabius Vivatianus Marcus Antonius Bassianus Caius Valerius Saturninus Caius Fabius Fidus Lucius Fabius Fabianus Caius Cassius Saturninus Lucius Valerius Gallus Caius Valerius Rogatus Publius Postumius Hermesander Caius Antonius Priscus Caius Fabius Modestus Caius Valerius Avitus Marcus Valerius Capito Quintus Pontius Capitolinus Lucius Hortensius Maurus Quintus Fabius Pudens Marcus Iunius Cassianus Quintus Herennius Tuscus Quintus Fabius Fabricianus Quintus Valerius Martialis Marcus Fabius Virillio Caius Annius Capito Caius Iunius Cassianus Lucius Valerius Cornelius Saturninus Marcus Valerius Polio Quintus Iunius Rufinianus Sextus Antonius Bassinus Marcus Cassius Cassianus quaestor Titus Cassius Bassianus Titus Aelius Africanus Caius Atilius Zubbaeus Lucius Cornelius Victor Cnaeus Cornelius Cornelianus Cnaeus Valerius Primus Quintus Fabius Amandus Quintus Valerius Saturninus et Titus Aelius Zosimus Lollio Avito et Statilio Maxsimo consulibus V Kalendas Novembres in curia Ulpia adhibito Salensium ordine quot Caius Valerius Rogatus et Publius Postumius Hermesander IIviri rettulerunt optimo rarissimoque praefecto Sulpicio Felici successorem nominatum cui pro exsimis eius exsemplis cum et ante testimonium publice perhibitum sit nunc praecipuae manifestiore iudicio quam studio esse perhibendum quoniam oporteret simul nova totiens et in rem publicam merita et in singulos officia novis honoribus totiens rependere simul spem parem ostentare pariter acturis quit de ea re fieri placeret secundum sententiam Quinti Corneli Capellae cuncti censuerunt omnia a Sulpicio Felice optumo rarissimoque praefecto Salenses habere quibus meliora expetenda non fuerint si is patriae isti eodem hoc splendore civis contigisset qui pro caelestibus iudicis quibus intra iuventam per tres militias exornatus sit proque discipulina Uttedi Honorati clarissimi viri cum militiae tum civilium munerum verissumi auctoris quantum tamen tam arduum exsemplum ex intervallio consequi posset nihil splendidius sibi at dignitatem testimonio tanti praesidis nihil gratius ad memoriam amore nostro esse crediderit seu nos ab solitis iniuris pecorumque iactura laeniter quidem et sub imagine suae quietis vindicando seu in rationibus publicis et disceptatorem nec dissolute benignum et iustum sene acerbitate praebendo et quaestiones pari hominum ac rei publicae iniuria tenebris vetustatis obscuras sagaciter inlustrando pure diiudicando seu municipium infestioribus locis maximo murorum opere minimo sumptu ambiendo seu annonae avaris difficultatibus ex copis armaturae suae plurima ad nostram utilitatem nihil at militum damnum commodando iam quae bona animi essent verissumi ultra praecedentium finem moderatum verecundum mitem pudicum ordinis reverentem populi amantem sui diligentem ita liberam copiam silvarum et agrorum praebuisse ut pro tutela operantium frequens excubaret ita in cetera omni elegantia vitae aequabilem egisse ut promisquo usu rerum omnium occasione benefaciendi non potestate praecederet atque eandem comitatem praesenti dexteritate iucundam futuro post exsemplo salubrem experiremur pro quibus rebus ac moribus et pridem nos Sulpicio Felici decurionatum gradum IIviralem quot tunc optumus praeses libenter audierit decrevisse et nunc nominato successore cum probinquom eiius discessum ita trepide cogitemus ut instantis desideri conscientiam plenissima spe processuum eius vix lenire possimus placere erga talem virum non volgata decernere cum is non volgata praestiterit deprecarique praesidem indulgentissumum et praefectorum suorum quos ipse laudabiles faciat laude et laudatione laetissumum ut in quo grati esse voluimus faveat nobis permittendo statuam ponere praefecto suo condecurioni nostro civi egregio ne amittamus hac eum cuiius beneficia tenemus ac ne ubi hunc ipsum honestissumi quique ob curatam pulchre rem publicam statua honoraverint ibi praemium ipsius rei publicae parum gratae requiratur permittat praeterea per legatos aput sacratissimum principem celebrare fuisse aput nos Sulpicium Felicem eum praefectum qui augustissumo saeculo sub sanctissuma Uttedi Honorati discipulina esse debuerit quem publicum atfectum atsistente universo ordine et populo perferrent at amplissimum praesidem Fabius Fidus et Valerius Polio planumque imprimis facerent nos non omnia quae deberemus honoribus Sulpici Felicis decrevisse set quae secundum verecundiam ipsius decernere sola possimus honoribus Sulpici Felicis decrevisse set quae secundum verecundiam ipsius decernere sola possimus
Contributor: grieshaber (last update: 2018-12-28)